صاحب صاحبه

منتدى ترفيهى يبعث الامل والاشراق بين الاعضاء
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 خطيب بارد جدا جدا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لحظة غموض
Admin
avatar

المساهمات : 85
تاريخ التسجيل : 03/08/2012
العمر : 25
الموقع : http://nour012.moontada.com/

مُساهمةموضوع: خطيب بارد جدا جدا   الجمعة أغسطس 03, 2012 11:19 pm

هو و هى مشيين على الكورنيش .. الجو حار .. الشمس محرقة



هي : عطشانة .


هو : وأنا كمان.


هي : يعنى ... عايزة اشرب!


هو : أكيد مادام عطشانة يبقى عايزة تشربي .


هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .


هو : ومين اللي هيحاسب ؟؟


هي : أنت طبعاً .


هو : منين ياحسرة .. ماانتى عارفة الكانز وغطاه .


هي : ماقلتش عايزة كانز .. كفاية إزازة مية ساقعة .



هو : طب لو هاتجيبى اعزمينى معاكى .


هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟


هو : عندك الكورنيش كله .. اختاري الرصيف اللي يعجبك .


هي : قصدي تعزمنى في مكان شاعري .


هو : في الحر ده .. ماينفعش .


هي : بلاش دى .. نأخد مركب عالكورنيش .


هو : المراكب بتغرق اليومين دول .. خلينا ع البر أحسن .


هي : بلاش المركب تعالى نأكل ترمس .. أظن ده رخيص .



هو : إنتى تضمني منين إن الراجل غاسل إيده وغاسل الترمس



هي : أعوذ بالله .. إنت مقفلها كده ليه ؟؟


هو : بصراحة معييش فلوس .


هي :يا سلام!! .. ماأنت كان معاك إمبارح .


هو : إمبارح دخلت السينما مع بنت حلوة كده فالفلوس خلصت


هي : بنت حلوه ؟؟!! وبتقولها في وشى .


هو : أكذب عليكى يعنى .


هي : لأ .. تحرق دمى أحسن .


هو : أنا مش شامم ريحه شياط يعني .


هي : يخرب بيت البرود .



هو : برود إيه ؟؟ ماهو الجو مولع أهو .


هي : إنت اللي بارد .


هو : بارد إزاى ؟؟ دا أنا بشُر عرق .



هي : بقولك إيه .. روحنى .



هو : أروحك ؟! هو إنتى ماتعرفيش تروحي لوحدك .



هي : آآآآه .. طب أنا ماشية .



هو : ليه يا حبيبتي؟؟


هي : حبك برص .


هو : والله البرص بيفهم عشان حبني.


هي : بجد كده كتير .


هو : كتير إيه ؟؟


هي : إرحمنى .. واضح إن الحر بيجى معاك بالعكس .. يا بارد


هو : يعنى مصممة تمشي؟؟


هي : أيوة وحالاً كمان .


هو : طب استني لما نوصل آخر الشارع .


هي : اشمعنى ؟؟




هو : أصل أنا ساكن هناك .. و مايرضكيش أروح لوحدى .



هي : لاااااااااااااااااااااااخطيب باردخطيب بارد




هو : ينفع كده ترمي نفسك في الميه مين هايوصلني بقى




خطيب باردخطيب باردخطيب بارد



نور محمد farao

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nour012.moontada.com
 
خطيب بارد جدا جدا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صاحب صاحبه :: الفئة الأولى :: منتدى الشباب-
انتقل الى: